Har kunimiz bayram!

Masalan, bugun biz yo‘l-yo‘l jonivorimiz (lekin, yo‘lbarsning emas) —  ola chipor ilonimizning tug‘ilgan kunini nishonlayapmiz! 

U 2017-yilning 10-oktabr kunida Hayvonot bog‘imizda dunyoga kelgan. 
Shu yillar davomida uning nomiga sabab bo‘lgan tanasi bo‘ylab uzun yo‘l-yo‘l naqshi bor jonivorni kuzatib borish baxtiga muyassar bo‘lib kelyapmiz..

Ola chipor ilonlar — katta foyda keltiradigan, nihoyatda muhim jonivorlardir. Ular kemiruvchilar bilan kurashib, odamlarni sichqon va kalamushlar tarqatadigan yuqumli kasalliklardan himoya qilishadi.

Eng muhimi — chipor ilon juda aqlli va erta tongdan uni dunyodagi eng yaxshi kuzatuvchilar tabrikladimi-yo‘qmi, so‘rab turibdi.